بر یکنگ نیوز:

عوامی حکومت نےایک بارپھر پیٹرول بم گرا دیا، قیمتوں میں اضافہ،اطلاق آج رات بارہ بجے سے ہو گا

اسلام آباد: (انمول نیوز) حکومت نے ایک مرتبہ پھر پٹرولیم مصنوعات کی قیمتوں میں اضافہ کرتے ہوئے عوام پر مہنگائی کا بم گرا دیا ہے۔

وزارتِ خزانہ کی جانب سے جاری ہونے والی نئی قیمتوں کے مطابق پٹرول 3 روپے 56 پیسے، مٹی کا تیل 6 روپے 28 پیسے، ڈیزل 2 روپے 62 پیسے اور لائٹ ڈیزل کی قیمت میں ایک روپیہ اضافہ کیا گیا ہے۔ قیمتیں بڑھنے سے اب پٹرول 88 روپے 7 پیسے فی لیٹر، مٹی کا تیل 76 روپے 46 پیسے اور ڈیزل 98 روپے 45 پیسے میں فروخت ہو گا۔

یاد رہے کہ گزشتہ روز آئل اینڈ گیس ریگولیٹری اتھارٹی (اوگرا) کی جانب سے وزارتِ خزانہ کو بھجوائی گئی سمری میں پٹرولیم مصنوعات کی قیمتوں میں 6 روپے 94 پیسے اضافے کی سفارش کی گئی تھی۔

سمری میں پٹرول کی قیمت میں 3 روپے 56 پیسے فی لیٹر، ہائی سپیڈ ڈیزل 6 روپے 94 پیسے فی لیٹر، مٹی کے تیل کی قیمت میں 6 روپے 28 پیسے فی لیٹر اور لائٹ سپیڈ ڈیزل کی قیمت میں ایک روپے فی لیٹر اضافے کی سفارش کی گئی۔ وزیرِ اعظم شاہد خاقان عباسی نے پٹرولیم مصنوعات کی قیمتوں میں اضافے کی منظوری دیدی ہے جس کے بعد آج رات 12 بجے سے اس کا اطلاق کر دیا جائے گا۔

Check Also

میرے والد کو سونے کیلئے بستر نہیں دیا گیا,غسل خانہ انتہائی غلیظ اوراغسل خانے کی عرصہ دراز سے صفائی نہیں ہوئی۔ حسین نواز

لندن : سابق وزیراعطم نواز شریف کے صاحبزادے حسین نواز نے کہاکہ مجھے بتایا گیا …

error: Anmol TV
Anmol TV انمول ٹی وی

FREE
VIEW